بنتك يابوي لمن عوى الذيب { ذيبه !

يابوي جعلك للبقا والمكاسيب..

عمري بدوونكـ يالذرا ويش ابي به .!!

يابوي تسأل عـن شفـاك المراقيـب
طلعـة سواتـك للنّوايـف غريـبـه

ليه المرض مايعرف الزّين والعيـب ؟
مايـدري انـك للمخاليـق هيبـه !!

ابســـــألك وش بك غزا وجهك " الشـــيب "
والقــلب لا يـــــع والنـــــــــواظر شحيبــه

وش بك تحاتي لا نوى الموت تغريب ..
تخشى علينا من الليالي [الكئيبـــه]

خذ دلتـك .. واركي على مسند الجيــب ،،

وعطني [شماغك] بلثمه واحتمي به

ونروح يم ارضٍ بها العشب والطيب !
وتسمع كلامٍ [يالغلا] تحتفي به

يابــوى بنتك ما تجي بالتــجاريب
كلٍ يشق لهيبة الصيت جيبه ..!!

يابوي ماني من سـوات المخاريـب
اللّـي تجيـب لعليَـة القـوم خيبـه

وماني من اللّي لامشت حفّها الرّيـب
أنـا مـن اللّـي مايدنّـس حليـبـه

مرفوع شاني عـن غـرام المكاتيـب
واكبر من انـي أرتضـي بالحبيبـه

أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه

وان كان [زينـــي] فتنة للمصاويب
أحط وجهــي بالحريق ولهيبه

زينــي أبيعـه واشـترى سمـعة الطــيب
إســم ينومس بالصـروح الذهـــــيبه

وان كان عندي ( بالحلا) شي ٍ صعيب
عنـدي جـدود ٍ مارضـت بالغليبـه

دمع القبايـل فـي لقانـا مساكيـب
كـن المقابـر لاحضـرنـا قريـبـه

خضّبت لك كفّي من العـز تخضيـب
ورفعـت راسـي للنّجـوم الصّعيبـه

والله لاسـدّك بالفعـول المصالـيـب
والله لاشيلـك بالرخـا والمصيـبـه

طلع المعالـي ماانحكـم للشّواريـب
بنت ٍ واناطح فـارس القـوم طيبـه

وياشيــخي ابشـر لو تدور الدواليب
بنــــــتك يابوي لمن عوى الذيب [ذيبه

مما راق لي..

[align=center]
ليه المرض مايعرف الزّين والعيـب ؟
مايـدري انـك للمخاليـق هيبـه
[/alig

ابســـــألك وش بك غزا وجهك " الشـــيب "
والقــلب لا يـــــع والنـــــــــواظر شحيبــه

وش بك تحاتي لا نوى الموت تغريب ..
تخشى علينا من الليالي [الكئيبـــه]

جبتيها في
صميم القلب يالباسقة

تسلمي قصيده جميله

تسلمي يالباسقة على ماراق لك
اه جددي الجروح القديمه
قرأت العنوان فجذبني وقرأت النص فبكيت
مبدعه نتمى ان نرا ونقرا كل ماراق لك

وياشيــخي ابشـر لو تدور الدواليب
بنــــــتك يابوي لمن عوى الذيب [ذيبه

دمتي بخير وعافيه ياذيبه

أختي أم الأبرار .. أخي فتى هادا..

الله يبارك فيكم على المرور الرائع..

أسعدني ما أسعدكما من القصيدة وآلمني ما آلمكما..

كل الود..

[FONT="Comic Sans MS"]وياشيــخي ابشـر لو تدور الدواليب
بنــــــتك يابوي لمن عوى الذيب [ذيبه
**تسلمي ياعسل على هالقصيده**[/FONT]

الله يسلمك غاليتي الإحساس..

رووووووووووووووووعه

الله يشفى والدك

وابيات فى غائة الجمال

لا عدمناك

المشاركة الأصلية كتبت بواسطة النمر

رووووووووووووووووعه

الله يشفى والدك

وابيات فى غائة الجمال

لا عدمناك

الله يحييك اخوي النمر..

لو ركزت بنهاية الموضوع أنا كاتبه ( مما راق لي )..
يعني مو أنا صاحبة القصيدة/ ووالدي بأتم صحة وعافية ولله الحمد..

شاكرة لك مرورك وتعليقك..

هلا بالباسقه
العتب على النظر وحفظ الله والدك من كل شر