الحــــــــــــــــــلم !!!

البارحه يوم أظلم الليـــــل وامسـيت=جتني ولهفتهـــا تســـــابق خطاها
وقفت حاير واضحـــــكت لـي وهليت =يامرحبــــــا ياللـــي عسـير" لقاها
ماكنـــــت احسبن الفرح له تناهــيت =ولا كنت احسب العيـن بتهــل ماها
عــــــزالله إني لأزرق الدمــــع هليت =وساعة هديت إلا وأنا اسمع بكاها
قالـــــــت لو أدري كان والله ماجيت=قلت العفــو والعيــــن تلقى جزاها
غمضتها لحظه وبالصــــــوت ناديت=أحرمتها شوفـــك سبــايب خطاها
ضحـــــــكت وقالت والله أنك تماديت =لا تحرم العينيــــن لحظــة منـــاها
لكن أنا عنـــــــدي ســـؤال ٍ ويالــيت =ألقى جــــوابــه ثــم لــــدّت وراها
أنـــا لــو أني عن ودادك تخلــــــيت =وقلبــي عهودك والمحبه نســاها
قلت الحـــــزن يوميــن لو ماتناسيت =والهاجـــــره قلبــي بيلقى سواها
زعلت وقالـت ما أذكر بحقك اخطيت =هذا جزا نفــــــس ٍ صفالك هواها
والله ما غيــــــــرك عشـــــير ٍ تمنّيت =لا يابــري حـــــالي ولا ياعنـــاها
قلت اعذريني كان بالهـــــــرج زليت =كنت استفـزك بالحــــــكي وآتباها
ياما على شانـــك صـــبرت وتعــنيت =وألحقت نفسي في غرامك مــداها
وأزعلت لأجلك غالي الناس واقفيت =نزعل عيون وعين نطلب رضاها
بنيتلك يامهجتي في الحشــــــــا بيت =مايســـكنه غير الهنــوف وغلاها
ما كنت أصدّق يوم قفّت وفــــــــزّيت =فـــزّيت من نومي وانا في رجاها
ولـــيت ياذا الحـــلم ولـــيت ولـــيت =باقي كــــــلام ٍ حاير ٍ في شفـــاها
تكفى لوأنــــك ماتعجـــلت وابطـــيت = كان آتأكـــــد زلـــــتي بتعـــفـــاها
خليتـــني لا نــــي بحـي ولا مـــــيت = ياحلم تكـــــفى رح لها ياعســاها
تشوف حالي والحزن والتنــــاهيت = وترفـــــق بعينننٍ هلت اليوم مـاها

مما راق لي

دمتم بكل الود

منقوول رائع

سلمت على الإختيار الجمبل

صح يمينك

منتهى الروعه حوااار جميل بين المحبين ... لكن للاسف كان حلم يحمل كل الامال والعتاب والشوق ولحظه اعتراف واعتذار ...
رائع اخوي زاد مميز في ما تطرح وتسعد قلوبنا برقه اختيارك لما يحرك المشاعر
لك كل الاحترام

قمة الرووووووعه سلمت يمينك ،،،

مافيـــــــــــــــــك حيــــــــــــــلـــــــــــــــه


تحيــــــــــــــــــــــات

روووووووووووعه

لا عدمناك

اختيار جميل وموفق

الله يعطيكم العافيه

ودمتم بكل الود والتقدير لكل من شرف المتصفح