تنقيت مـن بيـن القصايـد جزالهـا
ولا أنطق مـن القيفـان غيـر جزيـل
ونضمتها فـي مـدح ربعـي ولابتـي
رجال لهم فـي المـدح بـاع طويـل
هل المدح من عهـد الجـدود القدامـا
على عهد بـارود(ن) وسيـف صقيـل
كسبنـا مـن الأمـداح ذروة سنامهـا
بهمـة رجـا جيـل وا صايـل خيـل
وربعي بني شهر الهول قمـة الشـرف
و لانربـي الهـيـن وكــل هتـيـل
نربي رجا جيل إذا ما حمـى الوغـى
مواقيفهـم تغـدي الصحيـح هبـيـل
مواقيفنا بالسيـف والرمـح سطـرت
وتاريخنـا مــا يقـبـل التـاويـل
ولنا أولاد عـم ونفتخـر ببـن عمنـا
رجال الحجـر والجيـل يتبـع جيـل
فذا لحمـري والأسمـري ولـد عمنـا
إذا صـار بـه للعـاديـات صهـيـل
وذولى بني عمـر(ن) شمـال ويمنـا
إذا صـار بـه للمرهفـات صلـيـل
مواقيفنـا وحـده ولشـوار واحــده
ولا بيننـا شخـص(ن) هبـي وبخيـل
حمينـا موقفنـا ونحمـي حـدودنـا
لنا في الشـرف والعـز بـاع طويـل
وشريبنـا مـن كـل بــد نـقـدره
ولـه عندنـا قـد ر ولـه تبجـيـل
وجمع القبايل فـي بـلادي وموطنـي
لنـا منهـم أنسـب وأخ(ن) وزميـل
قد كنـا شعـوب وجمـع الله شملنـا
جمعناالكـتـاب ومحـكـم التنـزيـل
بهمـة معـزي مـن حكمهـا بسيفـه
طاعت وأذعنت من بعـد حـط وشيـل
دخلها على جيش من الهجـن ضمـر
أصايل ومـن فـوق الأصيـل أصيـل
بستين أصيـل فـوق ستيـن أصيلـه
نهـار ماجـا بـه للعيـون مقـيـل
ودارة رحـاة قاسـي الـروس حبهـا
تفـت الجمـا والـدم مثيـل السيـل
ونـادى المنـادي الحكـم لله ربـنـا
ومن بعده لبـو تركـي الحـل حيـل
يحلـل ويفتـل والفتوحـات قايـمـه
ومـن لا يسلـم جـاه منـه الـويـل
وجعل كلمة التوحيـد زينـة شعارهـا
وسيـف يـداوي كـل راس علـيـل
عسـى الله يغفرلـه ذنوبـه ويرحمـه
ويسكنـه فـي الجنـه بظـل ظلـيـل
وساروا عيال العود في نفس منهجـه
مسيـره عطـاء ومكمـلـة تكمـيـل
إلين أصبحت في حكم أبو الشعب سيدي
ملك ما لسيـدي فـي الملـوك مثيـل
عسـى الله يديـم العـز والله يحفظـه
نبيـل الخصـال القـول فيـه نبـيـل
وعسى الله يحفظ والي العهـد سيـدي
كفوفـه إلـى مـدت تـمـد جـزيـل
وأنا عن رجال الحجر أعاهـد ولاتنـا
ورب الخـلايـق شـاهـد ووكـيـل
نجدد عهـود أجددنـا عاهـدوا بهـا
ما نرضى سواكـم يـا ملـوك بديـل
وختم القصيد أزكى صلاة على النبـي
تمـل المسامـع كـثـرة التطـويـل
12-09-2009, 11:50 PM
رجال الحجر
رد: رجال الحجر
المواضيع المتشابهه
العرض العادي
