///////////////

يا سلام الله عليكم ما يشابهّا تحيّه = يا رجال الحجر يا قومٍ تدبّل في عطاها
الضماير ميّته لو كانت الاجساد حيّه=والردي شل الغنايم والخلايق في عناها

مرحـبا واهلا وسهلا بالذي جر التحية
حن هل المعروف والطيبه نبالغ في سخاهـا
انت في قولك غموض وتحمل النيات نيـة
وان حملـناها على النيه نبالغ في جزاهـا

صحت السنتكم نحن لكم متابعين

سلمت أخ بن درويش
وصح لسانك

جرة قلم
أصبتي الهدف
صح لسانك

مرحبا والفال ترحيب ودلال(ن)شاذليه=تنحسب من جملة الضيفان لو ما أنت بكمها
الضماير حية(ن) نا خوك والنيه مطيه=عندنا هذي وذيك ومن بغى الشينه لقاها

البقى ياللي تجريّن القلم بالحرفنيّه=والنوايا صافي(ن) من لِيت ربعي محتواها
القضيه واضحه ياللي غديتي منشديه=عالمٍ تذبح ضحايا ثم توّقف في عزاها

الله يصح لسانك يابن درويش

وكل من علق ورد

صح ابدنك يا ستاذنا ابو شهد
وصحت لسانك ولسان الشاعره جرة قلم
واشكر النمر على تشريفه لنا
لا عدمناكم

مرحبا والبن لشقر فالدلال الشاذليه
كيفها خلا البديوي والملك يسعى وراها
ماذبح قيس الملوح غير حب العامريه
قصته ماكل من يسمع سوالفها قراها

سلمّك ربي وانا لابد اوضّح فالقضيه=والضروف المغلقه مابي نفكفك لك غراها
ناس تبكي عالدراهم والبعض يبكي الضحيّه=والذي كبّر لقومه ما بيحزن من بلاها

لاتسوي ياولددرويش فلم ومسرحيه
اقدر اسوي دراميه وتعشق سينماها
في بلدبيروت ولا في بلد لسكندريه
كان ماتبغا بطولتها فشارك في غناها