عــروس الــمــصــايــف

قصيدة ( عروس المصايف

) ديواني (أناشيد المجد) ص(19)

كنت قلتها ، في أحدى أمسيات الصيف

فوق متن السُّحب يا ديرتي حلّقـي=بادرت لك نجوم السعد فـي فالهـا
وارفلي في ثياب السعد وتبختـري=واغنمي حزّة المصيـاف واقبالهـا
اجمعينا بنجم سْهيل فـي الموعـدِ=جاوري نجمـة الزُّهْـرة ومنزالهـا
والثُّريّـا تلألأمـنـك والمشـتـري=والمجـرّة علـى متنيـك وهْلالهـا
ديرتي مدهل الضّيفـان والمنتخـي=ديرتي طـوّق النامـوس مدهالهـا
والغلا والندى والجوّ فيهـا طـري=والوفا والشّرف ما خِصّصْ الاّ لهـا
والرّياحيـن فيهـا بهجـة الناظـرِ=من جميل الطبيعة ربي اسدى لهـا
ياعروس المصايف رحّبي وافرحـي=وافرشي من ورود الصيف وافلالها
غـرّدي يابلابـل ديرتـي غـرّدي=من مغاني لحون الصّيف واشكالهـا
فوق خضر الرّوابي والمقام الهنـي=سحرها فـي مناظرهـا وشلاّلهـا
حول عبق الورود وغصنها المنتشي=والخزامى نديّ الجـوّ يحْلـى لهـا
أرحبو عند ربعٍ يسعـدون الخـوي=عدّمـا حثحـث النّـاوي بهمّالهـا
كلّ من جا مصيِّف يعتبر من هلـي=رحّبت به سهول القـاع واجبالهـا
في بلدكم عـزاز وقدركـم يعتلـي=واتركوا ساير البلدان فـي حالهـا
في بلادي حمـاة الديـن والمنهـجِ=في ظِلال الشريعة عاشوا ابطالهـا
فخرنـا ديننـا وهمومنـا تنجلـي=والقيـادة لهـا الميـدان ورجالهـا
والفتن في مغارب لرض والمشرقِ ِ=حسبنا الله على من قـام باشعالهـا
الشِّيم والعرب والدّين منهـا بـري=فعلـة الشيـن ننسبهـا لفعّالـهـا
ما خرج عن فضايل ديننا الاّ شقـي=وان رقى للفضيلة ما بيرقى.. لهـا
طغْمة ابليس والدّجـال والمفتـري=نقطة السُّوّ في التاريخ تبقـى لهـا
من قديم الزمان ووقتنـا الحاضـرِ=الحِكَـمْ مـا تجـود الاّ لعُقّالـهـا
ما يتاجر بهـا البيّـاع والمشتـري=يرفـع الـراس قايلهـا ونقّالـهـا
مجتمعنا يديـن الفاجـر المعتـدي=والصعوبـات نذخرهـا لحلاّلـهـا
من يطيع الشذوذ وخطّه المنحنـي=راح في ضمّـة الكفّيـن واسبالهـا
البدع لهْلهـا مـا يبتدعهـا تقـي=يحتمل وزرهـا المكتـوب حمّالهـا
حن على منهجٍ مـن ربّنـا منزلـي=والرّسالة علـى المختـار منزالهـا
ياصلاتي على سيد الورى الهاشمي=فـي ختايـم قصايدنـا وقفّالـهـا

وسلامتكم يا كرام

افتتاحية شامخة ، بمطلع لامس المجرات والكواكب مطلع متلألئ في ألفاظ تشع شموخاً وسناناً ونورا (فوق متن السُّحب ،،بادرت لك نجوم ،،السعد اجمعينا

بنجم سْهيل ،،جاوري نجمـة الزُّهْـرة ،،والثُّريّـا تلألأمـنـك والمشـتـري،، والمجـرّة علـى متنيـك وهْلالهـا) فهي شامخة بحق / وينتقل في وصف مميزات

ديرته وصفات أهلها وكرمهم ومنهجهم الديني ولم يغفل عمن أثاروا القلاقل والفتن في ديرته وتبرأ من فعلتهم المشينه ونبه من السير على منهجهم

وانحرافهم بطريقة غير مباشرة إبداع ثابت لا يتغير في جميع إنتاجك الأدبي

الأخت الكريمة الأستاذة : الـروح

نحن والله فخورون بك وبأمثالك

أشكر لك حضورك المميز دائماً ، على جميع مواضيع المنتدى ، وعلى مواضيعي بصفة خاصــــّة .

أرحبو عند ربعٍ يسعـدون الخـوي

عدّمـا حثحـث النّـاوي بهمّالهـا

كلّ من جا مصيِّف يعتبر من هلـي

رحّبت به سهول القـاع واجبالهـا

الطنيني الله يعطيك الف عافيه على هذا الابداع

من روايع الطنيني

لا عدمناك شامخ

وفقك الله

حسبنا الله على من قـام باشعالهـا

صـــــــــح لسانك ألف ..
يعطيك العافيه ..
بيض الله وجهك ..

صح لسانك وبيض الله وجهك
الله يعطيك العافية

الله يعطيك العافيه اخوي الشاعر عبدالله الطنيني ..
وياحلوو أبها ..
كل الشكر

الكنق الوفي :

أشكر لك مرورك الجميل ، بارك الله فيك

المشاركة الأصلية كتبت بواسطة النمر

من روايع الطنيني

لا عدمناك شامخ

وفقك الله

حسبنا الله على من قـام باشعالهـا

**************
النمر الحبيب ، حياك الله ، فأنت من الأوفياء دائماً

عسانا مانعدمك