ياقبر اعز انسان غالي رقـد فيـك

ياقبر اعز انسان غالي رقـد فيـك
خفف عليه مـن التـراب الثقيلـي


*

يا قبر ماني طيب عقـب راعيـك
اللي رعاني صار عنـدك نزيلـي

*

أغليك أنا يا قبر من حب راعيـك
مرحوم يا راعي الوفـا والجميلـي


*

ياللي سكنت القبر صوتي يناديـك
موتك جرح قلبي وهديـت حيلـي

*

ما أنساك والله لين قبري يوازيـك
وأعلن من الدنيا العريضه رحيلـي

*

وأموت انا كل مـا حـل طاريـك
كنت أفتكر عمرك معانـا طويلـي

*

يبكي عليك البيت من عرض أهاليك
ليا دخلت البيـت دمعـي يسيلـي

أبيات جميله جدا وأكثر من رائعه...

أشكرك على الطرح الجميل....

أقول:

اللـي كتبـه اللـه لا بـد ياتيـك
قادر على كربك وهمك يزيلي

أدع لفقيدك دوم وارفع أياديك
للي خلقك سواه مالك بديلي

ياخوي هالدنيا ترى ماتواسيك
ماغير تاخذ كل غالي وتشيلي

أصبر على ما جاك هوه مداويك
الله يعوضك خير وعمرك طويلي


تقبل أرق وأعذب التحايا.................هدوووء

قصيده جميلة
وحسب توقعي أن هذا الجزالة في الشعر
تدل على قدم القصيده
فلا يجيد هذا الأسلوب شاعر حديث

شكرا لك على النقل

وسلمت يمينك

شكرا للأخ هدووووء
على أبياته

دمتم مبدعين

رووووووووووووعه

واختيار اكثر من جميل

لا عدمناك

أبيات في غاية العذوبه والإحساس العالي
رحم الله أموات المسلمين
شكرا" محب ديرته عالنقل الروعه