خذني صدر لاضاق صدرك من ،،الآه

خذني ( نِفس ) لا ضاق( صدرك ) من الآآآآآه

خذني عمر ،،لا ذِبْلت سنين دنياك


خذني قبيله ،، لا تعزويت ،، تلقاه
خذني جموع ،، ان حدّك السيف ،، يفداك
خذني جبل ، لا ضاقت الارض ، ترقاه
خذني صديق ،،ان باعك الغير ،،واساك


خذني فرح ،، لا بيّن الوقت جفواه
خذني امل ،، لا خوّن بيوم مسعاك
خذني صباح ،،إن طوّل الليل مسراه
خذني خطاوي ،، لا تثاقلت ،، مسراك


خذني طموح ، ان كشّر الحزن بـ شفاه
خذني طريق وشوفني ،، كيف ألقاك


خذني وعطني مايبكّيك ،، وإنساه
خذني دليلك ،، لا تحيّرت ،، ويّاك


خذني تراني ،، غيرك انسان ،،مبغاه
خذني ، تراني ،، ماأَبيني ،، بليّاك
وش لي بغيرك وانت للقلب ،، سلواه
شرواي انا ،، مايعجبه ،، غير شرواك


خذني ( صدر ) لاضاق ( صدرك ) من ،،الآه
دامي معك ،،لا تحســـب حساب بلواك

خذني تراني ،، غيرك انسان ،،مبغاه

صح لسانك

خذني صديق ،،ان باعك الغير ،،واساك



كلام جميل ونابع من احساس صادق

خذني ( صدر ) لاضاق ( صدرك ) من ،،الآه
دامي معك ،،لا تحســـب حساب بلواك

هذا الشعر ماهو مستغرب عليك قدها وقدود

فديتك

يفداك العدو
اشكرك من كل قلبي على هالمرور المشرف
لكم مني كل أحترام وتقدير
أخوكم / عبدالله الاحمري

يا الأحمري يا زين شعرك ومعناك
هرج صدوق من صدوقٍ تنقاه


كنت أتمنى أتبع لحونك ومغناك
لكن مابه فرصةٍ للمجاراه



شعر رائع

من شاعر رائع

والحب يعمل أكثر من كذا

تقبل مروري وتحياتي

أبو شهد

صح لسا نك يا عبدالله الا حمري موضوع جميل

خذني تراني ما أبيني بلياك..

شرواي انا ما يعجبه غير شرواك..


صح لسانك..

قصيدة من ذهب ..

تقبل مروري..

الله الله عالابداع..

مبدع والله مبدع...

صح لسانك..وسلم للشعر بنانك..

........تحياتي لرقي قلمك..ورقيك ياعبدالله..

صحت أبدانكم
والابداع هو مروركم
الله لايهينكم
مع خالص الشكر والتقدير لك من قام بالمرور
أخوكم / عبدالله الاحمري