كن الوفاء غلطه وانا مرتكبها

كانك تبي الفرقى وميعادها حــــــــــان=ابعدولك مني وعد لحتملها
لاتحسب ان القلب بيعيش مهـــــــــان=ترى الكرامه بلها ثم اكلها
ولا لاتحسب اني ابرضى لك هــــــوان=لحتجتني بافزلك واعتبرها
فزها بها شوق(ن)وفزه بها حنـــــــــان=واللي حصل غلطه وانا بحتقرها
كنت بعيوني مكتمل دون نقصــــــــان=وكنت لحياتي نور وانت قمرها
وكانت غلاتك ماتبي شاهد اعيــــــــان=لن الجزيره عالهوى ناقلتها
لكن بدلت المـــــــــؤده بنكـــــــــــــران=ومحبتي يازين مليت منها
يازين كم حطيت لك بالحشاء شـــأن=والروح لو حبتك ابد مابلمها
ارخصة لك روحي ورخصة وجــــــــدان=غالي وذيك اغلى وانا مرخصنها
لعيونك اللي صابت العقل بجنـــــــان=رخصتها وادري بغلاوة مهرها
والروح مهديها ولاجتك باحســـــــــان=لن للاسف كنت احسبك تستهلها
صحيح ماني ولد حاكم وسلــــــطان=بس لي مواقف شامخه وتخبرها
حبيت لكن عشت في الحب عطشان=والروح من يروي ضماها وعطشها
لاباعني خلي فلاشك خذلان=وياويل روح(ن)خلها قد خذلها
شمت علي هـــــــــــــــذا وذيا وذيان=وطعم الشماته مر يلعن ابوها
لون حياتي من الشقاء عــــدة الوان=واللون الاسود معتمده بلونها
والله من سبته ياناس ســــهران=وتون روحي من مرارة قهرها
سهرالليالي شب بالقلب نيـــــران=وياويل حال اللي كتب له سهرها
حبيته محبه ولا حبها انســـــــــان=ولو ثمنوها الكون ماهو ثمنها
ماني على كل العطايا بندمــــــان=والنفس لو راحت فهذا قدرها
بسألك دامك صرت للجرح فنان=وش مكسبك في جرح روح وغبنها
وتقدر تقول من كان كاسب وخسران=خسرت انا وياك لكن كسبها
الواشي اللي صاير اليوم فرحان=فرحان لنه ضيقتي مسببنها
مهما تحقق حلم من كان فتان=وصارت تزغرط نشوتن من فتنها
باقوله لو ذاب في القلب شريان=لابد في يوم يتبعثر حلمها
بحفظ ودادي لك وحبي ولو كان=صدقت فيني ناس زايف هرجها
ماتدري انه قول زور(ن)وبهتـــــــان=وماتدري ان اللي حصل هو هدفها
مازان لي هالوضع ياصاح مازان=والسالفه لالا تعنون خبرها
خله علي ووعدك اناحط عنوان=يحكي القضيه كامله وبصورها
ظالم ومظلوم(ن) وجاني وبه جان=والمشكله حتى القضاء احتار فيها
وانا بحل المشكله لك على شان=ترتاح وتعيش الحياه بسعدها
حتى ولو من حبك اصبحت غرقان=بحاول احقق لروحي هناها
كنت اتمنى القرب ونصير جيران=لكن قتلت الروح وانهيت املها
ودامك لفرقى صاحبك صرت ولهان=خذها هديه دام ترضيك خذها
ومدام قلبك باع ولعاشقك خـــــان=ماعد تفرق جيتك من عدمها
ودي توضح ليش انا كنت غلطان=كن الوفاء غلطه وانا مرتكبها
الله يسامح قلبك اللي لهم لان=والله يسامحهم وانا بحتسبها
محبتي لك ماتبي اي برهــــان=ووعدك تبقى نار للي حسدها
ولاترتجي مني لزلتك غفـــران=مدام خنت محبتي كون قدها
اسمع كلام فلان ثم طاوع افلان=واللي عطوك من الخطط نفذنها
كم فرق العذال مابين خـــــلان=وحتى السعاده حولوها لحزنها
وانت خبزت الخبز من كف عجان=والخبز سامج خبر اللي عجنها
صحيح انا احبك ولك ود ومكان=في وسط قلبي مير صعب اسكتلها
لك صاحبن صابر على مر لزمان=وحتى المذله من عقودن هجرها
قبل امس تخطي وادمح ان قلت طفشان=ولا قلتلي دمحها لقول ابشربها
بس دام مختار الهجر والغدر بان= خطيتك ذي ماتقبل عذرها
لك صاحبن كم باع غادر وخوان=وكم ذاق ومن مر الحياه وكدرها
وشلون خنت انسان لمحبتك صان=ونفس(ن) تحبك ليه قمت تغدرها
قلبي يتأسف منك لو كنت زعلان=اسف حبيبي ونيتك فاهمنها
وتكفى تقولي وشتبي دون كتمان=بس للبشر تكفى ابي تكتمنها
والله مالي في الضعف والتمسكان=ونفسي عن الذله ترى رافعنها
جيتك لي بتزيدني هم واحزان=وتكفى ابي جيتك لي تختصرها
والله ماهي كره يالذيب سرحان=الروح محد من البشر كارهنها
قلبي جريح وصاير اليوم حيران=ويقول ليت النفس تلقى حتفها
مدام تقسى بالعناء صرت شفقان=قررت ابادلك المشاعر نفسها
وقررت اعز النفس لو كنت هيمان=والعين بجبرها توفر دمعها
مع السلامه اطلب الله سلوان=في فرقتك ويعز نفسي صبرها
وانا حزين وبعلن السالفه اعلان=يمكن تفيد انسان واخذ اجرها
تبي الصراحه صرت بالبعد تعبان=ومن فرقتك دنياي غابت فرحها
وانا عشقتك حيل واصبحت مرضان=منك المرض والروح تعشق مرضها
بس لاتظن القلب بيعيش منهان=دام الكرامه بلها ثم شربها

...

ابيات رائعة اخي نبع اوفاء

تنقلت في جنباتها ووجدتها تحكي الكثير من العتاب والرضى والعزه وووووووو

لقد ابدعت كثيرا كثيرا في ستون بيت لا يمل المتلقي في متابعته

اسجل اعجابي بهذه الرائعه

شكرا لك

...

نورت الصفحه اخي النمر مشكوور على المرور
...........................................
طالب جامعي اسعدني مروووورك

ابداع الله يعطيك العافية
اجهلك مر من هنا ويسجل اعجابه بما قراء

انا اسعدني وجودي في ديوانك المبدع...
و الرائع جداً...

خوققققققاااق

جدا مبدع لاهنت

شكرا لكم على مروركم العطر

والله يعطيكم العافيه

صح الله لسانك
ابداااااااااااااااااااااع
الله يعطيك العافية