مرثيـــــــــــــــــــــــــــة

(هذه مرثية في العم والوالد سعيد بن عايض بن فضلي عليه رحمة الله)

يالله ياعالم خفيات الأسرار
يامنزل عمّ وطه وياسين
يالخالق المعبود يالنافع الضار
خلقتنا من طين ونرجع ليا طين
ياخالق الجنه وياخالق النار
ياللي تكبّر له جموع المصلين
ياعالم المكتوب وآجال الأعمار
نطلبكـ تحسن خاتمتنا على الدين
وش لي بتصفيف القوافي والأشعار
والحزن غطى النور في داخل العين
الله يجازي من نقل سود الأخبار
ياليت جوالي إنفصل قبل يومين
القلب يبكي دم والعقل محتار
وصل الخبر عمّكـ قضى نحبه الحين
عمّك سعيد في ذمة الله قد سار
ياليت يومي كان قبله ولو حين
وياليت عميت دون فقدانه ابصار
وياليتني معطيه من عمري سنين
ولا سمعت بموتة الوالد البار
لطّام عدوانه نصير الموالين
ابن الكرام اللي موفّين الأشبار
شيهان حرٍ قرم نسل الشياهين
له عندنا حب ومكانه ومقدار
والله يصبّرنا على فقد غالين
ياناس صابتنا تصاريف الأقدار
الفقد واضح في عيون المعزّين
وش عاد حنّا أهله صغار وكبار
لو البكاء يردّه مضى الدهر باكين
والله لينزل دمعنا كنّه أمطار
ويسيل من سيله بلاد وشعابين
لكن هو الإيمان في غيب وجهار
نرضى بقضى ربي ملبّين داعين
ندعي عسى الرحمن في ليل ونهار
يرحم فقيد أبكى قلوب الملايين
وعسى السحاب اللي نشى بكل الأقطار
يروي ثرى قبره على مر عامين
إلين تسيل المملكة بلاد وديار
وينعم بخيراته الأقاصي والأدنين
ويربّع الممحول وتربّع قفار
وياصل خبر خيره إلى الهند والصين
يالله ياعالم خفيات الأسرار
تثبّت أقواله على الحق والدين
ونطلبكـ ربي إنك تجيره من النار
وتسكّنه جنتكـ آمين آمين

عليه رحمة الله

ونسأل الله لكم الصبر والسلوان

..

رحمة الله رحمة واسعه والهمكم الصبر والسلوان
قصيدة جميله

رحمه الله واسكنه فسيح جنانه

وعظمكم الله الصبر والسلوان

قصيده جميله

رحم الله الفقيد وأسكنه الجنه

وصح لسان الشاعر


تحياتي

أبو شهد

رحمه الله واسكنه فسيح جنانه
واحسن الله عزاكم

some people ramble for 10 minutes at lunchtime, some people send presents... I think we know who gives better gifts... heehee I really love these Wigs Lace Wigs Full Lace Wigs Human Hair Wigs Cosplay Wigs

صح لسانك ..

أكثر ما تكون القريحة مشتعلة في المراثي..
قصيدة ولا أروع..

أسأل الله أن يرحم ميتكم ويجبر مصابكم..

دمت بود..

الله يرحمه برحمته ويجعل مثواه الجنه ويصبركم على فقدانه