فساد بدولة الاسلام

[poem font="Simplified Arabic,5,orange,normal,normal" bkcolor="transparent" bkimage="http://al7jrmen.com/vb/images/toolbox/backgrounds/21.gif" border="double,6,orange" type=2 line=0 align=center use=ex num="0,black"]



نيابه عن شباب المملكه بكشف عن المستور
لبو متعب عسى عمره يطول ابكشف الخافي
معانات الشعب ياسيدي ماهي سنه وشهور
سنين (ن)ماضيه سوداء تخلي العيش ينعافي
وانا بصارحك ياسيدي بفعالهم بسطور
كلام(ن)صدق واتحدا يجي له واحد(ن)نافي
انا ادري انت ماتدري وانا باقولها معذور
وانا ادري انك الصادق بفعلك وانك الوافي
وانا والله ماعمري لقيت وشفت منك قصور
وحتى بوعكتك وافي كما لوكنت متعافي
ولكن البطانه فاسده وتشتغل في الزور
وزير مدير ضابط كلهم مافيهم سنافي
يبون الواسطه والا الرشاوي باصغر الامور
وكل اللي يجيهم دون رشوه قيل له مافي
يخلون الوظايف معجزه ماهي على المقدور
ويخلون الموهل والوظيفه تطلب اااالافي
يروح اللي بدون الواسطه من عندهم مكسوور
يفكر يدفع الرشوه ولو تنجاب بسلافي
وتدري حرم الله الرشاوي واكلها محضور
ولكن مانشوفه عندنا توخذ وبسرافي
ابد ماهمهم غير الرشاوي تندفن بزهور
وحتى اوامرك والله تتلف كلهاا اتلافي
اذا فيها فلوس الشعب او شغله له ماجور
يحطون الشروط المعجزه عن كل الكتافي
واذا جينا المكاتب قفلت ومديرها مغرور
على مكتبه طالب له حليب وفيه نسكافي
ترا معاناتنا قصه وقصه تبكي الجمهور
وحان الوقت ناخذ حقنا ونقول بس كافي
سكتنا ياملك لكن شباب المملكه مقهور
لأنا في بلاد النفط صرنا نحال ونحافي
ترا ماودنا نظاهر ولاحن ودنا بقصور
نبي نستر على انفسنا نوفر لبس ولحافي
ترانا رجال ماننذل ودولتنا حكمها صقور
وحان الوقت ياصقر العروبه تنصف انصافي
نموت من الفقر واللي امنته ضاحك ومسرور
وحنا ماننام من القهر في جونا الدافي
تعبنا ياملك والله وصرنا ميتين شعور
لان اللي امنت بحقنا ياسيدي جافي
قسم بالله منزل نون رب الواقعه والنور
تجوعنا وماهو ناقص الا ناكل اعلافي
وقسم بالله رب الكون رب القارعه والطور
ياناخذ حقنا كامل او انا ننسف انسافي
مضى عمري وانا تايه وغيري ساكنين قصور
بحقي وحق من مثلي عشان سكات ونخافي
على امن البلد والا قسم بالله حنا نمور
نمشي العدو بالشده على جمر الغضى حافي
نقول الحق لو اجسامنا توضع بوسط قدور
فساد بدولة الاسلام حقيقه مابها خلافي
فساد بدولة الاسلام حقيقه مابها خلافي
فساد بدولة الاسلام حقيقه مابها خلافي

[/poem]

يعطيك العافيه نبع الوفاء ..
قصيده جميله ومعبره
تسلم وطرحك بالفعل راااقي بمعناه وهدفه
بارك الله فيك واسعد ايامك

رائعه كما عودتنا

وفقك الله

ابيات تحكي على لسان كل واحد منا

شكرا لك

شتات.....النمر
مرررروركم اسعدني والله يعطيكم العافيه

نبع الوفاء
كلام جميل وواقعي
كلمات جميلة بارك الله فيك