حضر زواج حبيبته وجاب العيد ..

هذا الشاعر حضر زواج حبيبته وجاب العيد

و هو يخاطب بهذي القصيدة زوج حبيبته

شوفو وش قال :


أبد .. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه .. مُعذّبْتـي


ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي


ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي


كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي


تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي


أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي


لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي


أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي


فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي


واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي


وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي


صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي


ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي


وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي


أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي


كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي


وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي


توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي


ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي


و سلامتكم

منقوووووووووووول

..

والله انه مجنون من جد

ابيات جميله

نقل موفق وتسلم اخى الدربيل

السلام عليكم ورحمة الله وبركاته

منقول رائع

من رجل رائع

نضرت عيناك بالدربيل بعيدا

لتتحفنا بهذه القصيده الجميله

ومثل قول اليماني

مسكين يا ناس من قالوا حبيبه عروس=يمرض مرض قلب أما الموت ما أحد يموت

تقبل
مروري وشكري وتحياتي

النمر


ابو شهد


أشكركم من الأعماق

بارك الله فيكم


..

قصيدة رائعة ..
بس ياهو بايعها من جد..

الله يهدينا وياه..

الف شكر أخي الدربيل..

والله قصيدة جميله
بس قائلها مجنون
اخي الدربيل اتحفتنا بارك الله فيك

الباسقة


حنضلة



اشكر مروركم الكريم


..

جزاك الله خيرمشاركه مميزه ابيات رائعه مسكين مقهورعلى حبيبته
الله يكون في عون المحبين---------------تحياتي

الجوهرة

أشكر مرورك

..

مشكور يالدربيل على النقل الأكثر من رائع
الله لا يجعلنا يوم في مثل موقفه
ويعطينا إلي نبيه ويرزقنا الحلال
قسم انه موقف انتحاري
ونفس الوقت لعن ابو الحب الي يجيب المصايب
ولا يخلي احد يفكر في العاقبة
قولوا آآآآآآآآآآآآآآآآآآمين

الله يرزق كل واحد بنت الحلال الي يبيها
ولو كانت ساكنة بالمريخ

موفق بإذن الله ... لك مني أجمل تحية .