حصل له حادث سيارة وتوفيت والدته بسببه..

قصيدة كتبها شاب حصل له حادث سيارة و كانت معه والدته

نتيجة هذا الحادث توفيت والدته رحمها الله و كانت إصاباته خفيفة فقال هذه الأبيات للذين يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني



قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني



فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني



تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني



نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني



يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني



واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني



وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني



اللهم أغفر لآبائنا وأمهاتنا



((قصيدة أبكتني فنقلتها لتشاركوني البكاء)

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني


محزنه جدا

اللهم ارحمها واغفر لها

اللهم ارزقنا برهم يارب العالمين فنحن مقصرون معه

نقل موفق ومؤثر اختى الباسقة

قصيده حزينه ومؤثره

واصعب شيء في الحياة فقدان الام الحنون

يسلموووووو يالغلا

نقص قدري بعد موتك وغابت نشوة اللذات

وصار الهم عكازي اباكيه ويباكيني
اختي الباسقه الله يعطيك العافيه
واللهم اغفر لوالدينا ورحمهما ورزقنا الرضا يارب العالمين

أخواني:

النمر
فجر الشهري
حنظلة

شكراً لمروركم الكريم