وصيت قلبي

وصيت قلبي عليـك وفكـري وضنـي
ان غبت عنهم عليك عتابهـم هـادي
ما ودي تجرح شعـورك كلمـة منـي
وانتا حياتي وعمري ومهجـة فـؤادي
ودي تعيش العمـر راضـي ومتهنـي
مرفوع راسـك عليـك العـز متبـادي
يا تاج راسـي وانـت منـي وعنـي
تامـر وتنهـي وأمـرك أول البـادي
يا شوق روحي وقلبـي وقطعـة منـي
عتابك ألطف من النسمة على فـؤادي
ما يجـرح القلـب الا غيبتـك عنـي
والا عتابـك يشبـه طبعـك الهـادي
أنا اهتني يوم أشوفـك انـت متهنـي
وأشوف نور الهنا فـي طلتـك بـادي
ما يختلف فيك ظني يـا حسـن ظنـي
دايم وفي(ن) معـي يـا وردة بـلادي
من كثر خوفي عليك الخـوف يمحنـي
وأفقد شعوري وأشوفك غايـة مـرادي
ان غاب صوتك أناجـي الليـل وونـي
وأتخيلـك واتذكـر هـامـة بــلادي
مديون لـك بالغـلا والحـب مشقنـي
يا مستحـل الفـؤاد العاشـق الغـادي
من يشبهك في البشر يا ذوقـي وفنـي
يا راحتي وبسمتي وموتـي وميـلادي
لا تخاف منـي ومـن قلبـي اذا ونـي
أكيد مشتاق لـك يـا غايـة مـرادي
ما يتعب القلـب غيـر الشـوق لكنـي
أصبـره بالقصيـد وصوتـك الشـادي
أنا أحبك وأحبـك مـن صغـر سنـي
ما أبالغ إن قلـت مـن يـوم ميـلادي
أكبـر ويكبـر غـلاك اللـي مجننـي
غصب(ن) على عيون حسادك وحسادي
وصيت قلبـي عليـك وقـال متجنـي
احذر غيابك على قلبي ما هـو عـادي
لا توصي القلـب لأن الشـوق متعنـي
ما دمت أحبك عتابه مـا هـو عـادي
عتـاب قلبـك علـى حبـك يطمـنـي
خلـه يعاتـب انـا سلمتـه فــؤادي
ما يجـرح القلـب الا غيبتـك عنـي
ولا عتابـك يشبـه طبعـك الـهـادي



وجدت هذه القصيدة في بريدي الالكتروني مرسولة من احد الاصدقاء فاحببت ان اشارك بها اخوكم ابو وسن

اعتقدت انها أكلة جديدة فإذا بها قصيدة جميلة زينت مطبخنا بصورها الشاعرية
جميل جدا و مرحبا بك