قال:أبوسك...؟؟؟قلت:تعقل...ولا أحوسك...

السلام عليكم ورحمة الله وبركاته
هذي من اروع القصائد اللي قرأتها
بعنوان { قال : أبوسك ..؟ قلت : تعقل لا أحوسك..؟ }
________________________________________

يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومعلم
كيف اخبي ...؟!
إنتي من جِدك يا يُمه ...؟!





وأنا بنوته
قلبي وردي ... وصغَـيّر ... ولَيّن
إيه أحبه ...!!
يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي...





يوم شفته...
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون ...
الهوى عنده أمانه
و ريحة أنفاسه دخون...





مو طبيعي هـــالولد من جد يُمه
فيه ذوق ... وفيه شوق ...
وفيه للعشاق عوق....
يُمه يسلم لك حبيبك
والله نَسَاني حليبك
أي ورب الكون يُمه........




يُمه لو تدرين عنه ...
قلتي لي فالك حبيبك...
إيه أحبه...
إيه يمه.......
إيه أموت برعشة شفاهه
وإذا يسمح الَّـمّه ....





سامحيني لو حلفت إني لَـ " ألِـمّه "
مو بكيفي
وضحكته خمري ... وكيفي
مو طبيعي...
هالولد عمري وربيعي
وفوق هذا صار شاعر ...







والله فعلاً مو طبيعي
إن عشق كله جنون
وإن حكى كله فنون
على راسي ما يهون...
إيه يُمه...
إيه أحبه...
واعصر ضلوعه وأضمه
وانتشي من ريحة أنفاسه ...
" و إذا يسمح أشمه"





خلى لعيوني كثير من البنات ...
خلى نورة ..خلى لمياء ..خلى ريمـــا
ايه يُمه........
خلى أسماء بنت خاله ...
وخلى سلوى بنت عمه
اللي بوها خو أبوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!
وآنا أشوف إنه غرامي ...
وهو بعد مثلي يراني ...





قال لي مَرة أناظر ...
قلت حاضر
يا الله ناظر ...
يوم ناظرني بكيت...
ما تحملت الهوى بعيونه السود
وشكيت.....




قال :أبوسك ...؟!
قلت :تعقل ... لا أحوسك ...؟!
قال : يعني بالحلال
قلت: ليت
قال :والله لآخذك قدام أخوك ...
بعد ما تربط يديني في يديك بأمر أبوك
قلت : تبطي ...؟!
قال : لا... لا
قلت : لو أبطيت جيتك




وإن خطبني لا تردونه يا يُمه ...
آنا أبيه
قولي ( تم)...
لا تخلين العُمر يمشي بألم..
هاه يُمه ...؟!
قولي (تم)...
قولـــــــــــــــــي (تم)...

لا تحرموني من ردوركم الحلوه
تحيااااااااااااااتي حبايبي

فدييييييييييتك أنا قصيده مرررررررررررررررره رووووعه وانتي اروع بصراحه دخلت جوووو معها الله لايحرمنا منك ومن ابداعك

روووووووعه جدا جدا

والله شى خيالى وحساس فى قمة الجمال

يسلمووووووووووو اجمل انسااااااااااااااااانه
فديتك
تحياااااااااااااااااااتي لك حبي

يسلمووووووو النمر
تحيااااااااتي لك حبي

واااااااااي يسلمووو ياعسل وربي جونااااااان

مررررره قصيده حلوه وذوووق زي اللي اختارتها
تسلمي ياقمر
لك حبي

قصيده جميله