قالوا تتوب من الهوى .. قلت لا لا ..

قالوا كذا مبسم هيا .. قلت لا لا
============== بين البروق وبين مبسم هيا .. فرق
جريت أنا صوت الهوى .. باحتمالا
============== في وسط بستانٍ .. سقاه أربع فرق
طبّيت مع فرعٍ .. جديد الحبالا
============== وظهرت مع فرعٍ .. تناوح به الورق
روشن هيا .. له فرجتينٍ شمالا
============== وبابٍ على لقبله .. وبابٍ على الشرق
مبسم هيا .. له بالظلام اشتعالا
============== بين البروق .. وبين مبسم هيا فرق
برقٍ تلالا .. بأمر عز الجلالا
============== وأثره جبين صويحبي .. واحسبه برق
يا شبه صفرا .. طار عنها الجلالا
============== طويلة السمحوق .. تنزح عن الدرق
له ريق .. أحلى من حليب الجزالا
============== وأحلى من السكر .. إلى جاء من الشرق
حنيت إنا .. حنة هزيل الجمالا
============== ينقض ردي الخيل .. قد حسه الفرق
ويا قلته .. في عاليات الجبالا
============== ماها قراح .. مير من دونها غرق
ماعاد للصبيان .. فيها احتمالا
============== من كود مرقاها يديهم .. غدن طرق
قالوا تتوب من الهوى .. قلت لا لا
============== إلا إن تتوب .. ارماح علوى عن الزرق
قالوا تتوب من الهوى .. قلت لا لا
============== إلا إن يتوبون .. الحناشل عن السرق
قالوا تتوب من الهوى .. قلت لا لا
============== إلا إن تتوب الشمس .. عن مطلع الشرق


هذه القصيدة

للشاعر الأمير

محسن الهزاني
..

قالوا تتوب من الهوى .. قلت لا لا
============== إلا إن تتوب الشمس .. عن مطلع الشرق

صح لسانه
والله يبيض وجهك ولاهنت على القصيدة الرائعه
لك أحترامي

تسلم

يا عبدالله على مرورك

أبيض وجه

..

برقٍ تلالا .. بأمر عز الجلالا
============== وأثره جبين صويحبي .. واحسبه برق
يا شبه صفرا .. طار عنها الجلالا
============== طويلة السمحوق .. تنزح عن الدرق

هكذا الغزل والا فلا

أشكرك على نقلها كل الشكر

تسلم يا سليل


مرورك شرف

..

مشكوووووووووو

وش ذا الغزل الرائع

له ريق .. أحلى من حليب الجزالا
============== وأحلى من السكر .. إلى جاء من الشرق

أنا في وجه الله

--------

وما نقيت إلا أحلى بيت

أخي الكريم

له ريق .. أحلى من حليب الجزالا
========= وأحلى من السكر .. إلى جاء من الشرق


مشكور

ولا عدمنا مورك

..

قالوا تتوب من الهوى .. قلت لا لا
============== إلا إن تتوب الشمس .. عن مطلع الشرق


قصيده جزله ونقل جزل وجريأ بجمال اختياره وان كان اجمل من هذه الابيات وكاتبها فهوه ناقلها دمت بود

وتقبل اعجابي بسمو فكرك النير.

يا مراحب

يا رفيع الشأن

وشكلك ما بتتوب من هوى

ولكن والله ما تلام

وأنا خوك




وعلى كل حال

بيض الله وجهك على هذا الإطراء

وهذا من طيب أصلك

ومعدنك الطيب

لك كل التقدير

..

أخوك

ابو عبدالله

..