أبو معاذ : دكتور علم ومعرفة

السلام عليكم ورحمة الله وبركاته

يسعدني ان أنقل لكم هنا قصيدتي (أبو معاذ دكتور علم ومعرفة) التي ألقيتها في مساء 17/8/1430هـ

بقاعة الجنادريّة بشعف تنومة ، في حفل تكريم أسرة آل حسين بآل معافا ، لسعادة الأستاذ الدكتور :

عبد الله أبو داهش ، هذا الحفل الكبير الذي حضره جمع غفير من المسؤلين والمشايخ ورجال العلم

والأدب ورجال الأعمال وأعيان القبائل من رجال الحجر وعسير وقحطان - لايخفى على الجميع مكانة

د : أبو داهش العلمية والإجتماعيـّة في تنومة وغيرها - أترككم مع القصيدة ، وشكراً .

بالحمد لله فاتحـة جمـع السُّـوَر=من يعتمد فيها جنـى محصولهـا
وبْجاه من نزّل تبـارك والعصـر=على النبي اللـي نشـر مدلولهـا
طلبـت مِنْزِلهـا وكــلاّ لا وَزَر=يهدي لسانـي للحكـم وآقولهـا
سلام يآل حيسـن ياربـع الظّفَـر=عِدّ السّحاب ايلا همَـلْ هملولهـا
في مِعْرِضٍ يِزْفي بـودّان المطـر=في دَقْلَة الوسمي ودقْل اسيولهـا
تشمل تحيّاتي عموم اللي حضـر=بالمسك واغلا الطيب فاح اشمولها
في ليلةٍ طـاب التجلّـي والسمَـر=سبعة عَشَر شعبان وافق حولهـا
وآزوع صوتي في قصيدي وافتخر=واستغنم الجزلات واحسن قَوْلهـا
وانظر في المقصود وآعيد النظـر=قصايـدي مـا ننتظـر مدخولهـا
في حفل تكريم الكريـم المعتبـر=رام العلـوم الطايلـة ويطولهـا
اللي بلخـلاق الحميـدة يشتهـر=متحلّـيٍ بفروعهـا وأصولـهـا
جمّع كنوز البرّ واعمـاق البَحَـر=غاص المحيطات وجمع من لولها
من كل علمٍ نافـع ايفيـد البشـر=حفظ التواريخ ورَصَـد معقولهـا
ومؤلفاته جات في أبهى الصّـور=تُجْنى ثمار الفائـدة مـن حولهـا
مادام جاد الغرس بيجـود الثّمَـر=لقواس ما تُعْطى يكن من هُو : لها
دكتورعلم ومعرفـة مـا تنحصـر=متمثِّـلاتٍ للعـيـان امثولـهـا
نستأنس ايلا قيل ابو داهش حضر=مَكْسي بجاهات الرضى وقبولهـا
نال المناصب والجوايـز وافتخـر=أكيد لـولا الصبـر مـا بينولهـا
ماهو ينال المجد غير اللي صبـر=ذلّلْ على درب الصعاب اسبولهـا
في هِمّةٍ تطوي مسافـات السّفَـر=واعتا مشاكلهـا يجيـد احلولهـا
من ينشد العليا يواصل في السهر=ما ينجـرف للبهرجـة وطبولهـا
تواضـع العالِـمْ يعليـه الـقَـدُر=عاف البهارج لو رَقَص بهلولهـا
له منـزلٍ فـوق الثريـا والقمـر=تفوّقت ويفوق : فـوق انزولهـا
له سيرة تبقى على طـول الدّهـر=بالعلم في عرض البلاد وطولهـا
يُشْكَر ويَشْكُر زاد ربي من شكـر=مصيون عن لوم البشر وفضولها
أبو معـاذ الله يمـدّ لْـه العمُـر=من لابةٍ توفـي المقـال افعولهـا

(الحقوق محفوظة حفظكم الله )

وسلامتكم يا كرام

روووووووووعة الله يعطيك العافيه وصح لسانك وعلا شآآنك ابيات في قمة الروعة

المشاركة الأصلية كتبت بواسطة لعاط

روووووووووعة الله يعطيك العافيه وصح لسانك وعلا شآآنك ابيات في قمة الروعة

*******************************************

هلا أخي لعاط

حيا الله طلتك وحضورك

والروعة في مبادرتك الطيبة

شكراً

صح الله لسااانك اخوي قصيدة جميلة لاهنت

اخي عبدالله
يسعدني ان اكون في متصفحك ولكن
لم تظهر لي القصيدة
مكتوب الحقوق محفوظه حفظكم الله
عموما اشكرك

رائعه مثل روعه كاتبها كلمات من ذهب وصح لسانك
لك كل الاحترام

المشاركة الأصلية كتبت بواسطة سعودية والروح جنوبية

صح الله لسااانك اخوي قصيدة جميلة لاهنت

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
سعودية والروح جنوبية :

كل الجمال هو قراءتكم لما أكتبه

شكرا لكم

المشاركة الأصلية كتبت بواسطة المشكاة

اخي عبدالله
يسعدني ان اكون في متصفحك ولكن
لم تظهر لي القصيدة
مكتوب الحقوق محفوظه حفظكم الله
عموما اشكرك

ــــــــــــــــــــــــــــــــــــــــــــــــــ ــــــــــ

المشكاة الغالي

القصيدة مكتوبة وواضحة ويمكن عندك مشكلة في الجهاز

شكرا لك

المشاركة الأصلية كتبت بواسطة جيفارا

رائعه مثل روعه كاتبها كلمات من ذهب وصح لسانك
لك كل الاحترام

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــ
ــــــــــــــــــــــــــ

الأخت الكريمة جيفارا


الروعة هي في تواجدكم

يهمني رضاكم عن ما أكتبه

شكراً

كل عام وأنت بخير

تقبل الله صيامكم وقامكم وصالح أعمالكم

صح لسانك

وسلم فكرك

مدحت من يستحق

وأجدت فتستحق منا الشكر

تحياتي